Friday, September 16, 2005

Politica del petroleo del presidente de Venezuela Hugo Chavez
Per Hkyson


Le presidente Chavez de Venezuela e le paises del
Caribe dice al governamento del Statos Unite que
illo pote facer se futuer.

Le presidente Hugo Chavez de Venezuela insista que
ille mesme va decider qui va a reciper le petroleo
de su pais in vice de lassar que le Statos Unite
le dicta su politicas secundo le preferentias de
Washington.

Ille ha decidite que ille va distribuer lo a altere
paises latinoamerican e al paises in le Mar Caribe
a precios reducite--sovente a cambio de minerales,
merce, o productos agricole, principalmente ris,
bananas e sucro.

(Trinidad non participa in le programma de Chavez
proque iste pais ha su proprie ressources de petroleo
e exporta unes 60.000 [sexanta mille] barriles de
petroleo diariemente contra altere ressources.
In Barbados, le prime ministro, Owen Arthur, diceva
que ille esseva satisfacite con le politicas de
Trinidad, que exporta a su pais le petroleo que
illo necessita.)

Ma altere paises imbracia le programma de Chavez
con enthusiasmo. "Nos vole participar in iste
programa," diceva Phillip Paulwell, le ministro
de commercio, scientia, e technologia de Jamaica
e le vicepresidente del consilio administrative
de PetroCaribe establite per Chavez, "proque Venezuela
nos offere beneficios que nos non pote trovar alibi."

Le prime ministro de Jamaica, P. J. Patterson,
annunciava que Chavez ha offerite a su pais 21.000
barriles diariemente a su pais contra un compensation
in parte de merce e servicios. Venezuela anque
va provider a Jamaica $200.000.000 pro financiar
le expansion del capacitate de su raffineria in
Kingston. (In le ultime quatro annos, le precio
de petroleo in Jamaica ha triplicate, a $1.200.000.000
iste anno, o sia lo que le pais gania in tourismo.)

A cambio del adjuta de Venezuela, Jamaica ha consentite
a non privatisar le raffineria. "Nos crede que certe
sectores de nostre economia non debe esser privatisate
e controlate per le capricios de investitores in altere
partes del mundo," diceva Danny Roberts, vicepresidente
del Sindicato Laboral de Jamaica, que ha organisate
obreros del industrias de tourismo, communicationes,
transporte, e servicios governamental de Jamaica.

PetroCaribe offere le paises del Caribe prestos
pro pagar 40% (quaranta pro cento) de lor petroleo
a un taxa de interesse de 1% (un procento).

"Si nos pote unificar nos con iste nove programmas,"
assereva Chavez "nos ha le opportunititate de escappar
del sentiero de domination e servilitate imponite
sur nos per le Statos Unite."

0 Comments:

Post a Comment

Links to this post:

Create a Link

<< Home